«Չելսիի» գլխավոր մարզիչ Մաուրիսիո Պոչետինոն իր նոր ակումբն անվանել է լավագույնը Անգլիայում վերջին 15 տարիների ընթացքում։
Երկուշաբթի օրը «Չելսիում» առաջին պաշտոնական աշխատանքային օրն էր Պոչետինոյի համար, ով այդ առավոտյան իր անձնակազմի հետ ժամանել էր Քոբհեմ բազա:
Իր կարիերայի սկզբում Պոչետինոն գլխավորում էր «Տոտտենհեմը», բայց Մաուրիսիոյի համար կասկած չկա, որ «Չելսին» գտնվում է այլ մակարդակի վրա, քան «խթանները»:
«Վերջին 10, 12, 15 տարիների ընթացքում «Չելսին» եղել է Անգլիայի լավագույն թիմը: Ես շատ լավ գիտեմ Պրեմիեր լիգան և գիտեմ, թե ինչ է նշանակում «Չելսիի» մշակույթը: Կարծում եմ, որ մեր երկրպագուները ցանկանում են վերադառնալ հաղթական ուղու»:
«Իհարկե, մենք ոգևորված ենք: Մենք ոգևորված ենք, որ աշխատում ենք շատ երիտասարդ թիմի հետ՝ օգտագործելով այլ մոտեցում, քան նախկինում: Բայց ես կարծում եմ, որ մենք բոլորս պետք է հասկանանք, որ մենք պետք է շատ աշխատենք, որպեսզի ստեղծենք լավ մթնոլորտ հանդերձարանում, որպեսզի թիմը հաջողությունների հասնի առաջիկա տարիներին»։
«Ի սկզբանե սեփականատերերը և մարզական տնօրենները շատ կոնկրետ են արտահայտվել իրենց նախագծի վերաբերյալ, և մենք ոգևորված ենք այս նախագծի մասը դառնալու մտքով: Մենք այստեղ ենք, որպեսզի փորձենք օգնել ակումբին և երկրպագուներին: Երկրպագուները պետք է ուրախ լինեն և հպարտանան դրանով»:
«Իհարկե, ֆուտբոլի պատմության մեջ միշտ էլ լինում են վերելքներ և վայրէջքներ, բայց «Չելսին» այնպիսի ակումբ է, որին սազական չէ վայրէջքները։ Ուստի մենք պետք է աշխատենք նրան վերադարձնել ֆուտբոլային աշխարհի վերնախավ, քանի որ դա է այս ակումբի իսկական տեղը»,- Պոչետինոյի խոսքերն է մեջբերում Evening Standard-ը։
