«Մանչեսթեր Յունայթեդի» գլխավոր մարզիչ Էրիկ Տեն Հագը հորդորել է իր թիմին հանգստություն պահպանել «թշնամական մթնոլորտում», որը սպասվում է «կարմիր սատանաներին» չորեքշաբթի Չեմպիոնների լիգայի «Գալաթասարայի» դեմ արտագնա խաղում:
«Յունայթեդը» երեք միավորով եզրափակում է A խումբը, ուստի «սատանաների» համար կարևոր կլինի դրական արդյունք գրանցել առաջիկա խաղում:
Տեն Հագը նախօրոք գիտի, որ «Գալաթասարայի» երկրպագուները ջերմ ընդունելության են արժանացնալու «Յունայթեդին», ուստի նա խնդրում է իր խաղացողներին խաղի ընթացքում զգացմունքներով չառաջնորդվել և խաղալ իրենց խաղը։
«Դուք պետք է հանգիստ մնաք և չտրվեք զգացմունքներին։ Վերահսկեք ձեր էմոցիաները և հակառակորդին որևէ սադրանքի պատճառ մի տվեք: Նույնը մրցավարի դեպքում՝ ձեր դեմ որևէ բան օգտագործելու պատճառ մի տվեք, հեռու մնացեք նման պահերից։
Դուք պետք է դրան հասնեք՝ խաղալով ձեր խաղը: Կարևոր չէ, թե ինչպես է խաղում մրցակիցը, կարևոր է, թե ինչպես եք խաղում դուք: Մենք լավ պլան կունենանք, և խաղացողները պետք է պատասխանատվություն ստանձնեն իրականացնելու այն», – Տեն Հագի խոսքերն է մեջբերում The Guardian։
