«Չելսիի» գլխավոր մարզիչ Գրեհեմ Փոթերը մեկնաբանել է կիսապաշտպան Էնցո Ֆերնանդեսի պայմանագիրը և Հակիմ Զիեշի՝ ձախողված տեղափոխությունը «ՊՍԺ»։
Ձմեռային տրանսֆերային վերջին օրը «Չելսին» Պրեմիեր լիգայի ռեկորդային 107 միլիոն ֆունտ ստեռլինգով ձեռք բերեց Ֆերնանդեսին «Բենֆիկայից»:
Էնցոն չորեքշաբթի եկավ Անգլիա, բայց կարող էր բաց թողնել ուրբաթ օրը կայանալիք «Ֆուլհեմի» դեմ հանդիպումը: Փոթերը մինչ օրս իր արգենտինացի նորեկի հետ շփվում է թարգմանչի միջոցով։
«Մենք դեռ պետք է սպասենք, մինչև պատրաստենք բոլոր փաստաթղթերը, և կտեսնենք»:
«Ես արդեն խոսել եմ նրանց հետ: Եվ չնայած իմ իսպաներենը և նրա անգլերենը կատարյալ չեն, և մենք դեռ շփվում ենք թարգմանչի միջոցով, մենք կարող ենք աշխատել իրար հետ: Նա պայծառ երիտասարդ է: Ես անհամբեր սպասում եմ նրա հետ աշխատելուն», – Sky Sports-ը մեջբերում է Փոթերին։
Գրեհեմը նաև վստահեցրել է, որ հույսը դրել է Զիեշի վրա, ով հունվարի 31-ին մեկնել էր Փարիզ, բուժզննում անցնելու և ցանկանում էր միանալ «ՊՍԺ»-ին, սակայն «Չելսիի» հետաձգման պատճառով վարձակալման գործարքը ձախողվեց: Ըստ լուրերի՝ Հակիմն ու ֆրանսիական ակումբը բարկացած են։
«Նա վերադարձել է Անգլիա, այսօր առավոտյան մարզվել է, այս պատմությունները ոչ առաջինն են, ոչ վերջինը»:
«Նա պրոֆեսիոնալ խաղացող է և հասկանում է իրավիճակը: Նա կենտրոնացած է մեր վրա և հասանելի է «Ֆուլհեմի» դեմ խաղում: Նա կարևոր խաղացող կլինի մեզ համար մրցաշրջանի մնացած հատվածում»,- ասել է Փոթերը:
