«Մանչեսթեր Յունայթեդի» վինգեր Վիլֆրիդ Զախան ընթացիկ մրցաշրջանի մնացած հատվածը կանցկացնի «Քարդիֆ Սիթիում»:
Անցած տարի «կարմիր սատանաները» Զախայի համար «Կրիստալ Փելեսին» 15 մլն ֆունտ վճարեցին, սակայն երիտասարդ անգլիացին դեռևս չի կարողացել դրսևորել իրեն: Նշենք, որ նա իր լավագույն որակները ցույց տալու հնարավորություն չի ստացել:
Manchester Evening News-ի հաղորդմամբ, «Մանչեսթեր Յունայթեդի» գլխավոր մարզիչ Դևիդ Մոյեսն ընդունել է իր գործընկեր Օլե Գուննար Սուլշերի առաջարկը:
Հաղորդվում է, որ արդեն այսօր Զախան բուժզննում կանցնի ուելսյան ակումբում և առաջիկայում կողմերը պաշտոնապես կհայտնեն գործարքի մասին:
