«Չելսիի» վինգեր Քրիստիան Պուլիշիչը պատրաստ է մերժել «Լիոնի» առաջարկը, քանի որ ցանկանում է տեղափոխվել «Միլան»:
Երեկ The Athletic հայտնել է, որ «Չելսին» ստացել է Պուլիշիչին գնելու երկու առաջարկ, ընդ որում «Լիոնը» պատրաստ է 21,5 միլիոն ֆունտ ստերլինգ վճարել Քրիստիանի համար, իսկ «Միլանը»՝ ընդամենը 12 միլիոն ֆունտ:
«Լիոնի» առաջարկը շատ ավելի համահունչ է «Չելսիի» ակնկալիքներին, սակայն ESPN-ն պնդում է, որ ինքը՝ Պուլիշիչը, իրեն տեսնում է միայն «Միլանում»:
Պուլիշիչն արդեն համաձայնեցրել է անձնական պայմանագրի պայմանները «Միլանի» հետ, բացի այդ, «ռոսոներիները» Քրիստիանին ավելի բարձր աշխատավարձ են առաջարկում, քան «Լիոնը»։
«Միլանը» ներկայումս բարելավված առաջարկ է պատրաստում «Չելսիին»՝ 24 ամյա ամերիկացի ֆուտբոլիստին ձեռք բերելու համար:
