«Արսենալի» կիսապաշտպան Մեսութ Օզիլը վերսկսել է ամբողջական ծրագրով մարզումները և պատրաստ է մասնակցել Պրեմիեր Լիգայի հաջորդ տուրում «Հալլ Սիթիի» դեմ հանդիպմանը: Վաղը ընդհանուր թիմի հետ իր առաջին մարզումը կանցկացնի նաև Աբու Դիաբին:
Հիշեցնենք, որ Օզիլը բացակայում է մարտի սկսզբից, երբ վնասվածք ստացավ ազդրի հատվածում: Ինչ վերաբերվում է Դիաբիին, ապա նա ծնկի խաչաձև կապանների հետ խնդիր ուներ դեռ նախորդ մրցաշրջանից:
-Օզիլը պատրաստ կլինի առաջիկա խաղին: Դիաբին հինգշաբթի օրը կվերադառնա ամբողջական ծրագրով մարզումներին: Նրա հաշվով դժվար է ինչ որ բան ասել, քանի որ նա մեկ տարուց ավել չի խաղացել:
Ինձ համար դժվար է հստակ ժամկետ ասելը, սակայն ֆիզիկապես նրա մոտ ամեն ինչ կարգին է: Նա երկրորդ թիմի հետ մեկ-երկու խաղի կմասնակցի, որից հետո կմիանա մեզ,- ասել է «զինագործների» գլխավոր մարզիչ Արսեն Վենգերը: Goal
