«Մանչեսթեր Յունայթեդի» դարպասապահ Անդրե Օնանան և հարձակվող Մարկուս Ռաշֆորդը վնասվածքներ են ստացել իրենց հավաքականների կազմում խաղալիս:
26 ամյա Ռաշֆորդը հայտնվել էր Անգլիայի հավաքականի մեկնարկային կազմում Մալթայի հավաքականի նկատմամբ հաղթական խաղում:
Ուեմբլիում կայացած հանդիպման երկրորդ խաղակեսում Ռաշֆորդը բախվեց Թրենթ Ալեքսանդր-Առնոլդի հետ, ինչի արդյունքում Մարկուսը չկարողացավ շարունակել խաղը և նրան խաղադաշտում փոխարինեց Քոուլ Պալմերը։
Նույն օրը երեկոյան «կարմիր սատանաները» ևս մեկ վատ լուր ստացան, այս անգամ՝ Կամերունի հավաքականից։ Խաղի ավարտից 10 րոպե առաջ Օնանան ստիպված է եղել լքել խաղադաշտը վնասվածքի պատճառով։
Օնանան այս մրցաշրջանում մասնակցել է «Յունայթեդի» բոլոր հանդիպումներին:
Ինչպես հիշեցնում է Daily Mirror-ը, «Յունայթեդը» շարունակում է մնալ առանց Ջոննի Էվանսի, Լիսանդրո Մարտինեսի, Լյուկ Շոուի և Տիրել Մալասիայի, Քրիստիան Էրիկսենի ու Ռասմուս Հոյլունդին։
