ՖԱ-ն մեղադրել է «Մանչեսթեր Սիթիին» ԱՊԼ-ի շրջանակներում «Տոտտենհեմի» դեմ կայացած խաղի վերջնամասում խաղացողների նկատմամբ վերահսկողությունը կորցնելու մեջ, սակայն չի պատրաստվում պատժել «Սիթիի» հարձակվող Էրլինգ Հոլանդին։
Վերջին րոպեին գնդակ ընդունելով Դեյան Կուլուսևսկուց՝ «Սիթին» հնարավորություն ստացավ հաղթանակ կորզել ավելացված ժամանակի վերջնամասում, սակայն Ջեկ Գրիլիշի առաջընթացը ընդհատեց մրցավար Սայմոն Հուպերի սուլիչը:
Հուպերը սկզբում թույլ տվեց «Սիթիին» շարունակել խաղը Հոլանդի նկատմամբ կոպիտ խախտումից հետո, բայց երբ փոխանցում կատարվեց դեպի Գրիլիշը, նա դադարեցրեց խաղը՝ առաջացնելով «քաղաքացիների» բարկությունը:
Հատկապես վրդովված էր Հոլանդը, ով նույնիսկ խաղից հետո թվիթերում գրեց «Wtf» արտահայտությունը։
Այնուամենայնիվ, ՖԱ-ն որոշեց հատուկ պատժամիջոցներ չկիրառել Հոլանդի նկատմամբ՝ ընդհանուր մեղադրանքներ ներկայացնելով «Սիթիի» դեմ որպես ակումբ՝ կապված իր խաղացողների ոչ պատշաճ պահվածքի հետ, հաղորդում է BBC-ն։
