«Մանչեսթեր Յունայթեդի» պաշտպան Ֆիլ Ջոնսը կարծիք է հայտնել երեկ կայացած Մանչեսթերյան դերբիի մասին (1:2):
-Իհարկե, հանդերձարանում բոլորը վշտացած էին: Սա այն արդյունքը չէ, որը մենք ուզում էինք: Սակայն չպետք է գլուխներս կախենք: Մենք առաջվա պես գտնվում ենք ֆանտաստիկ դիրքում:
Շատ բաց խաղ էր հենց ամենասկզբից, և երկու թիմերն էլ հարձակվում էին: Մենք մի քանի լավ պահեր ստեղծեցինք, սակայն դա բավական չէր:
Այժմ պետք է վերադառնանք նախկին մարզավիճակին: Վերականգնվել և մարզվել:
Չեմպիոնական մրցավազքը դեռ ավարտված չէ, սակայն մենք արդեն լավ աշխատանք ենք կատարել և ունենք մեծ առավելություն: Հուսամ, որ կշարունակենք նույն ոգով աշխատել նաև հետագայում: Կսկսենք առաջիկա խաղից «Ստոկի» դեմ, որպեսզի նվաճենք տիտղոսը,- հայտնել է Ջոնսը:
