«Մանչեսթեր Սիթիի» գլխավոր մարզիչ Խոսեպ Գվարդիոլան կարծում է, որ իր հարձակվող Էրլինգ Հալանդը դեռևս իր կարգով զիջում է լեգենդար Լիոնել Մեսսիին։
Նախօրեին Հոլանդը հեթ-տրիկի հեղինակ էր դարձել «Մանչեսթեր Յունայթեդի» դեմ Պրեմիեր լիգայի հանդիպման ժամանակ՝ հասնելով «Սիթիի» 17 գնդակ նշաձողին այս մրցաշրջանի բոլոր մրցաշարերում:
Մանչեսթերյան դերբիից հետո Գվարդիոլային հարցրել են՝ արդյոք Հոլանդն ավելի լավն է, քան «Բարսելոնայի» իր նախկին սան Մեսսին, սակայն Խոսեպը հասկացրել է, որ Լիոնելը դեռևս մրցակցությունից դուրս է իր համար:
«Հավանաբար, տարբերությունն այն է, որ Էրլինգին անհրաժեշտ են իր բոլոր թիմակիցները նման բաներ անելու համար: Եվ դա անհավանական է: Բայց Մեսսին կարող է դա անել միայնակ», – Գվարդիոլայի խոսքերն է մեջբերում Daily Mail-ը:
