«Ռոմայի» գլխավոր մարզիչ Ժոզե Մոուրինյոն խորհուրդ է տվել «Նապոլիի» հարձակվող Վիկտոր Օսիմենին՝ ինչը փոխի իր խաղաոճում, եթե տեղափոխվի Պրեմիեր լիգա:
Օսիմենն այս մրցաշրջանում հիանալի է հանդես գալիս՝ բոլոր մրցաշարերում «Նապոլիի» կազմում 20 խաղում դառնալով 15 գոլի հեղինակ:
Վիկտորը համարվում է Մոուրինյոյի նախկին ակումբի «Մանչեսթեր Յունայթեդի» տրանսֆերային նպատակներից մեկը գալիք ամառ, սակայն Ժոզեն կարծում է, որ 24 ամյա նիգերիացին պետք է ազատի իր խաղը սիմուլյացիաներից:
«Նա նույն մակարդակի վրա է, ինչ Դրոգբան, բայց Դիդյեն սիմուլիացիաներ չէր անում: Եթե Վիկտորը փոխի դա, ապա լավ: Ես կգնեի նրան, եթե ես ավելի մեծ բյուջե ունեցող ակումբում լինեի: Նա պետք է փոխի դա, եթե մի օր գնա Անգլիա, որովհետև Իտալիայում հանդուրժող են նման պահվածքի նկատմամբ, իսկ Պրեմիեր լիգայում խիստ կվարվեին նրա հետ»,- Մոուրինյոյի խոսքերն է մեջբերում Goal-ը։
