«Չելսին» ամառային տրանսֆերային պատուհանի ընթացքում կարող է վաճառել միանգամից իր ակադեմիայի հինգ սաների։
Ինչպես հայտնում է talkSPORT-ը, «Չելսիի» սելեկցիոն բաժինը համոզված է, որ հենց բրիտանացի ֆուտբոլիստների վաճառքն է, որը թույլ կտա ակումբին ամենաշատ գումար վաստակել և զգալիորեն թեթևացնել աշխատավարձային պարտականությունները։
Առաջին հերթին դա կիսապաշտպան Մեյսոն Մաունտն է, ով հրաժարվել է երկարաձգել մեկ տարուց ավարտվող պայմանագիրը։ «Մանչեսթեր Յունայթեդը», «Լիվերպուլը» և «Արսենալը» արդեն պայքարում են նրա համար։
Կոնոր Գալագերը, Ռուբեն Լոֆտուս-Չիկը, Տրևո Չալոբան և Կալում Հադսոն-Օդոին, ով այս մրցաշրջանում գործուղղվել էր «Բայեր», կարող են հետևել Մաունտի օրինակին:
Հավելում ենք, որ Լոֆտուս-Չիկն արդեն զգալի առաջընթաց է գրանցել «Միլանի» հետ բանակցություններում՝ մտադրվելով գնալ պաշտպան Ֆիկայո Տոմորիի հետքերով։
