Պրեմիեր լիգայի և Չեմպիոնշիպի ակումբներին թույլատրվել է գրանցել մինչև չորս արտասահմանցի խաղացողների մեկ մրցաշրջանում, ովքեր ավտոմատ կերպով չեն կարող աշխատանքի թույլտվություն ստանալ Անգլիայում:
2020 թվականին Բրեքսիթից հետո Պրեմիեր լիգայի ակումբները դժվարություններ են ունեցել Եվրոպական միությունից խաղացողներ հրավիրելու հարցում: Նման խաղացողներին հավասարեցրին հեռավոր արտասահմանի ներկայացուցիչների հետ։
Բացի այդ, Բրեքսիթից հետո Պրեմիեր լիգայի ակումբները պետք է սպասեին, որ ԵՄ խաղացողը դառնա 18 տարեկան։ Նախկինում նման խաղացողները կարող էին պայմանագիր կնքել արդեն 16 տարեկանում:
Արդյունքում որոշվեց գնալ որոշակի զիջումների, և այս ամառվանից Պրեմիեր լիգայի և Չեմպիոնշիպի յուրաքանչյուր ակումբ կկարողանա ստորագրել արտասահմանից չորս ֆուտբոլիստի, ովքեր չունեն ավտոմատ աշխատանքի թույլտվության համար անհրաժեշտ միավորներ։
Լիգա Առաջին և Երկրորդ լիգայի ակումբների համար նման ձեռքբերումների սահմանաչափը կլինի ոչ թե չորս, այլ երկու խաղացող:
ՖԱ-ի հայտարարության մեջ ասվում է, որ փոփոխությունները անգլիական ակումբներին «հավելյալ հասանելիություն կապահովեն բացառիկ միջազգային տաղանդներին», որոնք ավտոմատ կերպով իրավասու չեն աշխատանքային վիզա ստանալ:
