«Արսենալը» հարցում է արել Սոշոյի 22-ամյա աջ պաշտպան Սեբաստյեն Կորշյային ձեռք բերելու վերաբերյալ:
Ինչպես հայտնում է Goal պարբերականը, ֆրանսիական ակումբը 4.3 մլն ֆունտ է պահանջել իր խաղացողի համար:
«Արսենալի» գլխավոր մարզիչ Արսեն Վենգերը Կորշյային տեսնում է՝ որպես Բակարի Սանյային փոխարինող: Վերջինս այս ամռանն ամենայն հավանականությամբ կհեռանա լոնդոնյան ակումբից:
Ֆրանսիայի երիտասարդական հավաքականի խաղացողը տպավորել է «զինագործների» սկաուտներին:
Ավելացնենք, որ Սանյային պահելու «Արսենալի» հնարավորությունները չափազանց փոքր են: Պաշտպանի գործող պայմանագիրը լրանում է արդեն մեկ տարուց, իսկ նոր գործարքի մասին խոսք անգամ չկա: Սպասվում է, որ ամռանը Բակարին կտեղափոխվի «ՊՍԺ» 8-10 մլն ֆունտով:
