«Մանչեսթեր Յունայթեդն» ավելացրել է իր կոմերցիոն գործընկերների ցանկը: Այս անգամ գործընկերը վիետնամական BIDV (Bank for Investment and Development of Vietnam) բանկն է:
Ինչպես հայտնում է պաշտոնական մամլո հաղորդագրությունը, Վիետնամում «կարմիր սատանաներն» ունեն 26.5 մլն երկրպագու: Սա կազմում է ասիական այս երկրի բնակչության 10 տոկոսը:
Տվյալ համագործակցության շրջանակներում BIDV-ը, որի տարեկան շրջանառությունը կազմում է 131 մլն ֆունտ, որոշ արտոնություններով առաջարկելու է հատուկ կրեդիտ քարտ այն հաճախորդների համար, որոնք երկրպագում են «Յունայթեդին»:
Ավելացնենք, որ այս գործարքը կնքվել է 5 տարի ժամկետով: Ֆինանսական մանրամասները գաղտնի են պահվում:
