«Բորնմուտն» անգլիական պրոֆեսիոնալ ակումբ է հիմնադրված 1890թ համանուն քաղաքում: Տնային խաղերն անցկացնում է Դին Կորտ մարզադաշտում, գույներն են սև-կարմիր-սպիտակ: Հիմնադրման ժամանակ ակումբը կրում էր «Բոսկոմբ» անունը, որը Սեյնթ-Ջոն համալսարանի ուսանողական թիմն էր: 1899թ-ին ակումբն առանձնացավ համալսարանից և սկսեց հանդես գալ Բորնմուտի շրջանային պատանեկան լիգայում և Հեմփշիրի պատանեկան գավաթում: 1910 թվականին ակումբը սկսեց իր տնային մարզադաշտի՝ Դին Կորտի շինարարությունը: Նույն թվականին ստորագրեց իր առաջին պրոֆեսիոնալ պայմանագիրը ֆուտբոլիստի հետ։ 1920 թվականին ստեղծվեց երրորդ դիվիզոնը և «Բոսկոմբը» Հեմփշիրի լիգայից տեղափոխվեց Հարավային լիգա։ Հարավային լիգայում իր երրորդ մրցաշրջանում ակումբը զբաղեցրեց երկրորդ տեղը և դուրս եկավ ֆուտբոլային լիգա։ Ֆուտբոլային լիգայում հանդես գալու թույլտվություն ստանալուց հետո ակումբը վերանվանվեց «Բորնմուտ», որն արդեն ներկայացնում էր ողջ քաղաքը։ 1970 թվականին «Բորնմուտը» 47 տարվա մեջ առաջին անգամ դուրս մնաց երրորդ դիվիզիոնից։ 1987/88 մրցաշրջանում «Բորնմուտը» Հարի Ռեդնապի գլխավորությամբ նորամուտը նշեց երկրորդ դիվիզոնում, սակայն երեք տարի հետո կրկին վերադարձավ երրորդ դիվիզոն։ 2009 թվականին ակումբը գլխավորեց թիմի նախկին ֆուտբոլիստ Էդդի Հաուն։ Առաջին մրցաշրջանի ընթացքում Հաուն ակումբը դուրս բերեց երրորդ լիգա։ 2010-ականների սկզբին ակումբի բաժնետոմսերի վերահսկիչ փաթեթը գնեց ռուս գործարար Մաքսիմ Դեմինը։ «Բորնմուտը» 2012/13 մրցաշրջանում բարձրացավ Չեմպիոնշիպ։ 2014/15 մրցաշրջանի արդյունքում «Բորնմուտն» իր պատմության մեջ առաջին անգամ Պրեմիեր Լիգայի ուղեգիր նվաճեց։Ակումբը մնաց Պրեմիեր լիգայում հինգ մրցաշրջան, նախքան 2020-ին անկում ապրելը, բայց նրանք վերադարձան 2022-ին որպես Չեմպիոնշիպի փոխչեմպիոն, այս անգամ Սքոթ Պարկերի ղեկավարությամբ: