«Չելսիի» գլխավոր մարզիչ Թոմաս Տուխելը հայտարարել է, որ երջանիկ կլինի, անկախ նրանից, թե ինչ կլինի տրանսֆերային պատուհանի մնացած հատվածում:
«Չելսին» տրանսֆերային վերջնաժամկետից առաջ ցանկանում է ձեռք բերել այնպիսի խաղացողների, ինչպիսիք են Վեսլի Ֆոֆանը, Էնթոնի Գորդոնը և Պյեր-Էմերիկ Օբամեյանգը:
Տուխելը ուժեղացման կարիք է զգում, բայց չի պատրաստվում բողոքել, եթե ոչ ոքի ձեռք չբերի «Չելսին»։
«Հիմա մենք ավելի շատ խաղացողների կարիք ունենք որոշ դիրքերում: Բայց տրանսֆերային պատուհանի ավարտը մոտ է, և երբ սեպտեմբերի 1-ը գա, ես երջանիկ մարզիչ կլինեմ, անկախ նրանից, թե ինչ կլինի: Ես կփորձեմ լուծումներ գտնել՝ չմտածելով կատարվածի մասին»:
«Մենք հուսով ենք, որ այս մրցաշրջանում 60 խաղ կանցկացնենք, բայց մեզ պետք են բոլոր խաղացողները, և բոլորը պետք է պատրաստ լինեն: Մենք ստիպված կլինենք շատ դժվար որոշումներ կայացնել: Այս պահին դրանք քիչ են, և ես կցանկանայի ավելի շատ նմանատիպ որոշումներ կայացնել: Դա կնշանակի, որ մենք գտնվում ենք լիարժեք մարտական ռեժիմում»,- Տուխելի խոսքերն է մեջբերում Sky Sports-ը:
