«Լեսթերի» գլխավոր մարզիչ Բրենդան Ռոջերսը վստահ է, որ իր ակումբը հունվարին կկարողանա զերծ մնալ կիսապաշտպան Ջեյմս Մեդիսոնին կորցնելուց:
26 ամյա Մեդիսոնն իրեն շատ վառ դրսևորեց մրցաշրջանի առաջին հատվածում, սակայն Աշխարհի առաջնությունում իր հնարավորությունը չստացավ։
Այնուամենայնիվ, Մեդիսոնը շարունակում է հետաքրքրել տարբեր ակումբների, այդ թվում Արսենալին, Տոտտենհեմին և Նյուքասլին, և Մեդիսոնի տեղափոխության խոսակցությունները սրվում են հաշվի առնելով գործող պայմանագրի ժամկետը, որն ավարտվում է 18 ամսից:
Այնուամենայնիվ, Ռոջերսը հանգիստ է վերաբերվում այս խոսակցություններին և կարծում է, որ Մեդիսոնը չի հեռանա «Լեսթերից» մրցաշրջանի միջնամասում։
«Ես որևէ անհանգստության կարիք չեմ տեսնում Մեդիսոնին կորցնելու հարցում: Նա այն ֆուտբոլիստն է, ում ես ուզում եմ այստեղ պահել»:
«Երբ ունես լավ խաղացողներ, դա լավ նշան է, և մյուս թիմերը միշտ կհետևեն նրանց: Դա նորմալ է, և ես վստահ եմ, որ այդ խաղացողները կմնան այստեղ: Իմ ուշադրությունը կենտրոնացած է իմ ունեցած խաղացողների կատարելագործման վրա: Դա այն է, ինչ ես ուզում եմ անել»,- ասել է Ռոջերսը Daily Mail-ին:
