«Մանչեսթեր Յունայթեդի» 32-ամյա պաշտպան Պատրիս Էվրան դեռ չի որոշել իր ապագայի հետ կապված հարցերը և մտարդիր է սպասել մինչև նոր մարզչի նշանակելը:
Վերջին տարվա ընթացքում «կարմիր սատանաները» չեն թաքցնում պաշտպանության ձախ եզրը ուժեղացնելու իրենց մտադրությունը: «Յունայթեդը» մեկ փորձում է ակումբ հրավիրել Լեյթոն Բեյնսին՝ «Էվերթոնից», մեկ՝ Ֆաբիո Կոենտրաոյին՝ «Ռեալից»: Այդ դիրքում հանդես եկող Էվրայի ներկայիս պայմանագիրը կլրանա ընթացիկ մրցաշրջանի ավարտին:
Ինչպես հաղորդում է Manchester Evening News-ը, արդեն այժմ «Մոնակոն» և ՊՍԺ-ն լուրջ հետաքրքրվում են ֆրանսիացի պաշտպանով, ով «Յունայթեդի» հետ նոր պայմանագիր ստորագրելու հույսը չի կտրել:
-Առաջիկա շաբաթների ընթացքում ես կորոշեմ, թե ինչ եմ անելու: Այս պահին ես դեռ ոչինչ չգիտեմ: Իմ գործակալը կհանդիպի «Մանչեսթեր Յունայթեդի» հետ և կտեսնենք, թե ինչ կլինի:
Առայժմ պետք է սպասել մինչև մրցաշրջանի ավարտը: Բոլորն էլ գիտեն, թե ինչքան շատ եմ սիրում այս ակումբը,- ասել է Էվրան:
