Սէր Ջիմ Ռեթքլիֆը ցանկանում է, որպեսզի «Մանչեսթեր Յունայթեդն» ունենա այնպիսի մարզադաշտ, որը կարող է համեմատվել «Ուեմբլիի» 90,000 տեղանոց մարզադաշտի հետ:
Սպասվում է, որ փետրվարի վերջում Ռեթքլիֆը պաշտոնապես կդառնա «Յունայթեդի» համասեփականատեր: Սէր Ջիմը կստանձնի ակումբի ֆուտբոլային գործունեությունը, ինչպես նաև կստանձնի ակումբի ենթակառուցվածքների կառավարումը:
Ինչպես հայտնում է The Telegraph-ը, Ռեթքլիֆը կտրականապես դեմ է, որ «Յունայթեդը» փոխի գրանցումը, ուստի սէր Ջիմը պետք է ընտրություն կատարի Օլդ Թրաֆորդը վերակառուցելու և գոյություն ունեցող մարզադաշտի տեղում նոր մարզադաշտ կառուցելու միջև:
«Նա զգում է, որ ակումբին անհրաժեշտ է մի ստադիոն, որը կհամարվի արվեստի գործ: Մենք կարծում ենք, որ երկիրը զգում է Հյուսիսի Ուեմբլի ունենալու կարիքը»։
Այս պահին Օլդ Թրաֆորդը կարող է հյուրընկալել 74 հազար հանդիսականի։ Վերակառուցման դեպքում ակումբը պետք է ներդնի առնվազն 800 մլն ֆունտ, մինչդեռ նոր մարզադաշտի կառուցումը գնահատվում է 1,5-2 մլրդ ֆունտ։
«Սատանաները» հույս ունեն ֆինանսավորում ստանալ տեղական իշխանություններից նման լայնածավալ ծրագիր իրականացնելու համար: Պաշտոնյաների հետ բանակցություններն արդեն ընթանում են։
