«Աստոն Վիլլան» դարձավ վերջին ակումբը, որը «Արսենալի» կիսապաշտպան Սերժ Գնաբրիին վարձակալելու ցանկություն հայտնեց:
Ալեքսիս Սանչեսի «Էմիրեյթս» տեղափոխվելուց հետո 19-ամյա գերմանացին կարող է մնալ առանց խաղային պրակտիկայի, և «զինագործների» գլխավոր մարզիչ Արսեն Վենգերը մտադիր է նրան վարձավճարով ուղարկել այլ ակումբ:
Daily Mirror պարբերականի հաղորդմամբ, «վիլլացիների» գլխավոր մարզիչ Պոլ Լամբերտը Վենգերին վստահեցրել է, որ բիրմինգհեմյան ակումբը Սերժի համար իդեալական տարբերակ է:
Ավելացնենք, որ Գնաբրիի ծառայություններով հետաքրքրված են նաև «Նյուքասլ Յունայթեդը», «Սաութեհմպտոնը», «Կրիստալ Փելեսը» և «Սանդերլենդը»:
