«Միլանի» հետ գոլազուրկ ոչ-ոքիից հետո՝ «Տոտտենհեմը» դուրս մնաց Չեմպիոնների լիգայի այս խաղարկությունից և գրեթե ավարտեց ևս մեկ առանց գավաթների մրցաշրջան։
Շաբաթ օրը «Վուլվերհեմպտոնից» կրած 1-0 հաշվով պարտությունից հետո «շպորների» մեկնարկային կազմում ընդամենը մեկ փոփոխություն էր կատարվել: Պեդրո Պորրոյի փոխարեն մեկնարկային կազմում էր հայտնվել Էմերսոն Ռոյալը։
Հանդիպման սկզբում թիմերը չափազանց զգույշ էին գործում և խաղում էին առանց վտանգավոր պահերի։ Ռոյալի հարվածը իր վրա ընդունեց պաշտպանը, ինչին «Միլանը» պատասխանեց Ժունիոր Մեսիասի շեղ հարվածով։
Առաջին խաղակեսի համար առաջին և միակ իսկապես վտանգավոր պահը ստեղծվեց 35-րդ րոպեին, երբ դարպասապահ Մայք Մենյանը հեռացրեց գնդակը Հարի Քեյնի հարվածից հետո:
51-րդ րոպեին «Միլանը» կարող էր բացել հանդիպման հաշիվը, սակայն Ֆրեյզեր Ֆորսթերը ոտքերով ետ մղեց Բրահիմ Դիասի հարվածը:
Հաշիվն ստիպեց «Տոտտենհեմին» ավելի հարձակվողական ֆուտբոլ ցուցադրել: «Շպորները» սկսեցին ճնշում գործադրել և հարվածներ հասցնել, բայց միևնույն ժամանակ նրանք մեծ ռիսկի էին դիմում, և «ռոսոներիները» մի շարք հնարավորություններ ունեին պատժելու գրոհներով տարված մրցակցին։
Տանտերերի վիճակտ կտրուկ վատթարացավ 78-րդ րոպեին, երբ Քրիստիան Ռոմերոն երկրորդ դեղին քարտը ստացավ խաղադաշտում կոպիտ խախտման համար և իր թիմին թողեց 10 հոգով։
Տասը հոգով խաղալը «Տոտտենհեմի» շատ բարդ էր, բայց «շպորները» դեռ մեկ հնարավորություն ստացան հաշվի մեջ առաջ անցնելու: Տուգանային հարվածից հետո Քեյնը գլխով գնդակը ուղղարկեց դարպասի ստորին աջ անկյունը, սակայն Մենյանը բավականին գեղեցիկ սեյվով կարողացավ անառիկ պահել իր դարպասը: Անմիջապես «Միլանը» պատասխանեց Դիվոկ Օրիգիի հարվածով դարպասաձողին։ Արդյունքում հաշիվը այդպես էլ չբացվեց։
«Տոտտենհեմը» որոշակի ճնշման ենթարկեց «Միլանին», սակայն չկարողացավ սեղմել մինչև վերջ, և Ռոմերոյի հեռացումը տեղի ունեցավ ամենակարևոր պահին։
Տոտտենհեմ (Անգլիա) – Միլան (Իտալիա) – 0 – 0։ Ընդհանուր հաշիվ՝ 0 – 1։
Դեղին՝ Ռոմերո, Լենգլե, Սկիպպ – Տիավ։
Կարմիր՝ Ռոմերո 78ր։
