«Աստոն Վիլլայի» նախկին պաշտպան Էշլի Յանգը միացել է «Էվերթոնին» ազատ գործակալի կարգավիճակով:
38 ամյա Յանգը մեկ տարվա պայմանագիր է կնքել «Էվերթոնի» հետ՝ դառնալով այս տրանսֆերային պատուհանի առաջին նորեկը Շոն Դայչի թիմի համար:
«Էվերթոնը» Յանգին ձեռք բերելով ավելացրեց իր թիմի փորձառությունը։ Միայն Պրեմիեր լիգայում Էշլին անցկացրել է 422 հանդիպում։
Յանգը, ով Անգլիայի հավաքականի կազմում անցկացրել է 39 հանդիպում, առաջարկներ է ունեցել նաև Պրեմիեր լիգայի, Չեմպիոնշիպի և եվրոպական այլ ակումբներից:
«Մարզիչը կարևոր դեր խաղաց իմ որոշման մեջ: Ես ճանաչում եմ նրան և գիտեմ, թե ինչ կիրք և ինչ ցանկություն ունի: Նա հավասարը չունի ազնվության, աշխատելու կամքի և հաջողության հասնելու ցանկության առումով»,- ասել է «Մանչեսթեր Յունայթեդի» նախկին ֆուտբոլիստը:
