«Էվերթոնը» հետաքրքրված է «Բերնլիի» հարձակվող Վաուտ Վեգհորստի ծառայություններով։
2022/23 մրցաշրջանի երկրորդ կեսը Վեգհորստը «Բերնլիից» գործուղղվեց «Մանչեսթեր Յունայթեդ»։ Վաուտն օգնեց «կարմիր սատանաներին» հաղթել Լիգայի գավաթը, ավարտել մրցաշրջանը Պրեմիեր լիգայի լավագույն 4-յակում և դուրս գալ Անգլիայի գավաթի եզրափակիչ:
Այնուամենայնիվ, Վեգհորստը «Յունայթեդի» կազմում անցկացրած 31 խաղում դարձել է ընդամենը երկու գոլի հեղինակ, ինչը նրա Օլդ Թրաֆորդում մնալու հնարավորությունները հավասարեցրեց 0-ի:
Մինչդեռ Վեգհորստի ակումբը՝ «Բերնլին» հաղթեց Չեմպիոնշիպում, սակայն հավանականություն կա, որ 30 ամյա հոլանդացին հաջորդ մրցաշրջանում կխաղա Պրեմիեր լիգայում, բայց ոչ «բորդոագույնների» կամ «կարմիր սատանաների» կազմում։
Ինչպես հայտնում է talkSPORT-ը, Վեգհորստով հետաքրքրված է «Էվերթոնը», որի գլխավոր հարձակվող Դոմինիկ Կալվերտ-Լյուինը մրցաշրջանի մեծ մասն անցկացրել է հիվանդանոցում, ինչի պատճառով «իրիսները» Պրեմիեր լիգայի 38 խաղում կարողացել են խփել ընդամենը 34 գոլ։
Հավելում ենք, որ 2022 թվականի հունվարին «Բերնլին» 12 միլիոն ֆունտով ձեռք բերեց Վեգհորստին «Վոլֆսբուրգից»։
