Հարձակվող Ռասմուս Հոյլունդը կարող է իր նորամուտը նշել «Մանչեսթեր Յունայթեդի» կազմում հաջորդ շաբաթ օրը կայանալիք «Նոթինգհեմ Ֆորեստի» դեմ Պրեմիեր լիգայի խաղում:
Օգոստոսի սկզբին «Յունայթեդը» Հոյլունդին ձեռք բերեց «Ատալանտայից» 72 միլիոն ֆունտով, սակայն Ռասմուսը Օլդ Թրաֆորդ եկավ նախամրցաշրջանի ընթացքում ստացած մեջքի վնասվածքով:
«Յունայթեդը» նոր մրցաշրջանի սկզբում «գայլերի» և «խթանների» դեմ խաղերում խիստ կարիք էր զգում հարձակման ուժեղ ֆուտբոլիստների: Մարկուս Ռաշֆորդը մեկուսացված էր թվում որպես կենտրոնական հարձակվող, իսկ Բրունո Ֆերնանդեսը չօգտագործեց իր հնարավորությունները:
Սակայն «անտառապահների» թիմի դեմ Էրիկ Տեն Հագի համար ավելի հեշտ կլինի: «Յունայթեդը» հուսով է, որ Հոյլունդը կարող է շաբաթ օրը Օլդ Թրաֆորդում տեղ զբաղեցնել պահեստայինների նստարանին և վերջապես իր նորամուտը նշել ակումբում:
«Յունայթեդի» նախօրեին Քարինգթոնի իր մարզաբազայում ընկերական հանդիպում անցկացրեց «Բերնլիի» հետ՝ կրելով 3:0 հաշվով պարտություն։ Հոյլունդը դրան չի մասնակցել, և սա ակնարկ է, որ «կարմիր սատանաները» հանգստյան օրերին օգտագործելու համար խնայում են 20 ամյա դանիացուն։
