«Միլանը» լիովին համաձայնության է եկել «Չելսիի» և ԱՄՆ-ի հավաքականի եզրային հարձակվող Քրիստիան Պուլիշիչի հետ:
Չնայած այն փաստին, որ «Լիոնը» պատրաստ էր ավելի շատ գումար վճարել Պուլիշիչի համար, Քրիստիանը հասկացրեց «Չելսիին», որ ցանկանում է իր կարիերան շարունակել «Միլանում»:
Արդյունքում, «Չելսին» համաձայնեց Պուլիշիչին բաց թողնել Սան Սիրո 22 միլիոն եվրոյի դիմաց (18,8 միլիոն ֆունտ ստերլինգ): «Միլանը» նաև խոստացել է «ազնվականներին» զգալի չափաբաժին՝ Քրիստիանի հետագա վերավաճառքից, հայտնում է Sky Sports-ը:
Այս պահին Պուլիշիչը մեկնում է Իտալիա՝ բուժզննում անցնելու և «Միլանի» հետ անձնական պայմանագիր կնքելու, որի պայմաններն արդեն համաձայնեցված են։
