«Մանչեսթեր Յունայթեդը» 12 ամսով երկարաձգեց աջ պաշտպան Աարոն Վան-Բիսակայի հետ ունեցած իր պայմանագիրը, օգտագործելով Աարոնի գործող պայմանագրի մեջ առկա այդ հնարավորությունը։ Այժմ ակումբի և խաղացողի համագործակցության ժամկետի վերջնագիծը 2025 թվականի հունիսն է։
Այսինքն մինչ նոր պայմանագրի կնքումը Վան-Բիսական կշարունակի ստանալ այնքան աշխատավարձ, որքան նշված էր «Կրիստալ Փելեսից» տեղափոխխվելիս կնքած պայմանագրում:
Վան-Բիսական անցած մրցաշրջանի երկրորդ կեսում հաստատվեց որպես «Յունայթեդի» հիմնական կազմի խաղացող, իսկ սեպտեմբերին կողմերը նստեցին բանակցությունների սեղանի շուրջ՝ քննարկելու նոր պայմանագիրը, հայտնում է Daily Mail-ը։
Այնուամենայնիվ, այդ բանակցություններն կասեցվեցին սէր Ջիմ Ռեթքլիֆի կողմից «Յունայթեդի» 25% բաժնետոմսերի գնման պատճառով, և Վան-Բիսակայի տրանսֆերային արժեքը պահպանելու և նրան օտարերկրյա հետաքրքրություններից զերծ պահելու համար «կարմիր սատանաները» անցած շաբաթ կիրառեցին երկարաձգման իրենց հնարավորությունը:
Այնուամենայնիվ, Վան-Բիսակայի հետ նոր պայմանագիր կնքելու «Յունայթեդի» ծրագրերը մնում են անփոփոխ, եթե Ռեթքլիֆն այլ բան չորոշի:
Հավելենք, որ նման կերպ «Յունայթեդը» երկարաձգեց պայմանագիրը նաև Վիկտոր Լինդելոֆի հետ, սակայն Ռաֆայել Վարանի դեպքում «սատանաները» որոշեցին չօգտագործել իրենց տարբերակը։
