«Մանչեսթեր Յունայթեդի» գնման պաշտոնական առաջարկների հավաքումը կսկսվի հաջորդ շաբաթվանից։
Հիշեցնենք, որ դեռ նոյեմբերին Գլեյզերների ընտանիքը, որին պատկանում է «Յունայթեդը», հայտարարել էր Օլդ Թրաֆորդի ակումբը վաճառելու պատրաստակամության մասին։
Գլեյզերները վարձել են ամերիկյան Raine Group ներդրումային բանկը, որն անցյալ տարի հաջողությամբ ավարտեց «Չելսիի» վաճառքը և հաջորդ շաբաթ կսկսի առաջարկներ ընդունել «Յունայթեդի» պոտենցիալ գնորդներից:
Ինչպես հայտնում է Daily Mail-ը, Գլեյզերները հույս ունեն ստանալ 4 միլիարդ ֆունտից ավելի առաջարկներ: Իդեալական դեպքում, ամերիկյան ընտանիքը կցանկանար հավաքել 6-8 միլիարդ ֆունտ, չնայած այն հանգամանքին, որ իրենց ակումբի կապիտալիզացիան ըստ Նյու Յորքի ֆոնդային բորսայի կազմում է ընդամենը 3 միլիարդ ֆունտ:
Բրիտանացի միլիարդատեր Ջիմ Ռեթքլիֆին կարելի է համարել «Յունայթեդը» գնելու ֆավորիտ։ «Կարմիր սատանաներին» ցանկանում են գնել նաև ներդրողները ԱՄՆ-ից, Մերձավոր Արևելքից և Ասիայից:
