ՈՒԵՖԱ-ն փակեց այն բացը, որը թույլ էր տալիս «Չելսիի» նման ակումբներին շրջանցել ֆինանսական ֆեյր-փլեյի կանոնները՝ երկար ժամանակահատվածում պայմանագրեր կնքելով նոր խաղացողների հետ։
Հիշեցնենք, որ նախորդ երկու տրանսֆերային պատուհաններում «Չելսին» ծախսել է մոտ 600 միլիոն ֆունտ ստերլինգ, ընդ որում «կապույտների» շատ նորեկներ ստանդարտ ֆուտբոլայինից ավելի երկար պայմանագրեր են ստացել:
Օրինակ՝ Էնցո Ֆերնանդեսը և Միխայիլ Մուդրիկը, ովքեր հունվարին ժամանեցին Սթեմֆորդ Բրիջ, իրենց ապագան «Չելսիի» հետ կապել են ութ ու կես տարով:
Ինչպես պարզվեց, «Չելսին» դա արեց, որպեսզի խաղացողի արժեքը տարածի իր ֆինանսական հաշվետվություններում նրա պայմանագրի ողջ ընթացքում:
Սակայն հուլիսի 1-ից FFP-ի կանոնները շրջանցելու այս բացը լրացվում է։ Ինչպես նշում է The Guardian-ը, այժմ տրանսֆերի արժեքը կարելի է տարածել ոչ ավելի, քան հինգ տարվա հաշվետվություններում։ Միևնույն ժամանակ, ավելի երկար ժամկետով պայմանագրերը դեռևս թույլատրվում են։
