«Վիլյառեալի» հարձակվող Նիկոլաս Ջեքսոնը բուժզննում է անցել «Չելսիում»:
Ըստ The Athletic-ի, «Չելսին» համաձայնվել է վճարել Ջեքսոնի պայմանագրում, որպես ազատման կետ նշված 35 միլիոն եվրոյից մի փոքր ավելին (30 միլիոն ֆունտ ստերլինգ), որի շնորհիվ «կապույտները» կստանան վճարման ավելի հարմար ժամանակացույց:
Նշվում է նաև, որ Ջեքսոնը, արդեն համաձայնեցրել է անձնական պայմանագրի պայմանները, իսկ այժմ, երբ բուժզննումն ավարտվել է, 22 ամյա սենեգալցու տրանսֆերի մասին մնում է միայն պաշտոնապես հայտարարել։
Այսպիսով, Ջեքսոնը կդառնա «Չելսիի» առաջին ձեռքբերումը նոր գլխավոր մարզիչ Մաուրիսիո Պոչետինոյի գլխավորությամբ։
Նշենք, որ Ջեքսոնը «Վիլյառեալին» միացավ 2019 թվականին, իսկ Լա Լիգայում իր նորամուտը նշեց 2021 թվականին։
