«Կրիստալ Փելեսի» նախկին եզրային հարձակվող Վիլֆրիդ Զահան մոտ է թուրքական «Գալաթասարային» անվճար գործակալի կարգավիճակով տեղափոխվելուն:
Զահայի պայմանագիրը «Փելեսի» հետ ավարտվել է հունիսի վերջին, սակայն «արծիվների» առաջարկը շաբաթական 200 հազար ֆունտ ստերլինգ աշխատավարձով դեռ չի ստացել իր պատասխանը:
Ըստ լուրերի՝ միայն արաբական «Ալ-Նասրն է» Վիլֆրիդին ավելի լավ ֆինանսական առաջարկ կատարել, քան «Փելեսը», սակայն 30 ամյա Կոտ դ’Իվուարցի ֆուտբոլիստը չի ընտրել դրանցից և ոչ մեկը:
Ինչպես հայտնում է Sky Sports-ը, Զահան այժմ գտնվում է «Գալաթասարայի» հետ փոխզիջման եզրին, որը գայթակղում է Վիլֆրիդին հաջորդ մրցաշրջանում Չեմպիոնների լիգայում խաղալու հնարավորությամբ:
Նշենք, որ Զահան «Փելեսի» համակարգում է 12 տարեկանից՝ «արծիվների» կազմում անցկացրած 458 խաղում խփելով 90 գոլ։ Վիլֆրիդը 2013 թվականին մեկնեց «Մանչեսթեր Յունայթեդ», բայց երկու անգամ վարձավճարով վերադարձավ Սելհերսթ Պարկ, նախքան 2015 թվականին ամբողջությամբ տեղափոխվելը:
