«Վուլվերհեմպտոնը» հետաքրքրված է «Չելսիի» հարձակվող Արմանդո Բրոյայի ծառայություններով:
«Չելսին» ներկայումս բացառում է Բրոյայից բաժանվելու հնարավորությունը մրցաշրջանի միջնամասում, սակայն Արմանդոն կարող է հասանելի լինել տրանսֆերի համար, եթե «կապույտները» կարողանան այս պատուհանում ձեռք բերել մեկ այլ հարձակվողի:
Բացի «Նապոլիի» հարձակվող Վիկտոր Օսիմենից, «Չելսիի» ուշադրության կենտրոնում են նաև «Բրայթոնի» հարձակվող Էվան Ֆերգյուսոնը և «Աստոն Վիլլայի» հարձակվող Ջոն Դուրանը: Իվան Թոնիի տեղափոխությունը «Բրենտֆորդից» քիչ հավանական է:
«Չելսին» կարող է նաև դիմել կարճաժամկետ լուծումների, ինչպիսիք են Կարիմ Բենզեման և Ռոբերտո Ֆիրմինոն, ովքեր հանդես են գալիս Սաուդյան Արաբիայում:
Ինչ վերաբերում է Բրոյային, ապա նա ծնկի ծանր վնասվածքից հետո դեռ մարզավիճակ է հավաքում։ Արմանդոն բաց թողեց «Միդլսբրոյի» դեմ Լիգայի գավաթի խաղը և փոխարինվեց «Ֆուլհեմի» դեմ խաղի 66-րդ րոպեին։
Բրոյայի տրանսֆերի համար «գայլերը» պայքարում են այլ ակումբների հետ, որոնց թվում նշվում է նաև «Վեստ Հեմի» անունը:
