«Մանչեսթեր Յունայթեդի» գլխավոր մարզիչ Էրիկ Տեն Հագը որակազրկման պատճառով բաց կթողնի իր թիմի հաջորդ հանդիպումը Պրեմիեր լիգայում։
Շաբաթ օրը «Յունայթեդը» հաղթանակ տոնեց «Լյուտոնի» նկատմամբ 1:0 հաշվով, և հանդիպման վերջին րոպեներին Տեն Հագը ստացավ իր երրորդ դեղին քարտը այս մրցաշրջանում այն բանից հետո, երբ վիճարկեց իր թիմի դեմ մրցավարի կայացրած որոշումը:
Այս մրցաշրջանից գլխավոր մարզչի կամ տեխնիկական շտաբի ցանկացած անդամի մեկ խաղով որակազրկման համար անհրաժեշտ դեղին քարտերի թիվը չորսից կրճատվել է երեքի։
Հետևաբար, Տեն Հագը ներկա չի լինի Գուդիսոն Պարկում, որտեղ «Յունայթեդը» կհյուրընկալվի «Էվերթոնին», միջազգային ընդմիջումից անմիջապես հետո:
