«Տոտտենհեմը» բանակցություններ է վարում «Այնտրախտի» հարձակվող Ռանդալ Կոլո Մուանիին ձեռք բերելու համար:
Դատելով մամուլում շրջանառվող վերջին լուրերից՝ «Տոտտենհեմը» չի պատրաստվում ռիսկի դիմել Հարի Քեյնին մեկ տարի հետո ազատ գործակալի կարգավիճակով կորցնելու համար։ Եթե Հարին նոր պայմանագիր չստորագրի, նա կհեռանա այս ամառ ակումբից։
«Տոտտենհեմն» արդեն մտածում է Քեյնին փոխարինող գտնելու մասին, ըստ Daily Mirror-ի՝ բանակցություններ սկսելով Ֆրանկֆուրտի «Այնտրախտի» հետ Կոլո Մուանիի շուրջ, ով անցած ամառ «Նանտից» տեղափոխվելուց հետո 46 խաղում 23 գոլ է խփել:
Հատկանշական է, որ Կոլո Մուանին հայտնվել էր նաև «Մանչեսթեր Յունայթեդի» կարճ ցուցակում, որը 24 ամյա ֆրանսիացուն դիտարկում է որպես Ռասմուս Հոյլունդի այլընտրանք:
Աղբյուրի տեղեկություններով՝ ինքը՝ Կոլո Մուանին, ցանկանում է տեղափոխվել Պրեմիեր լիգա, և «Տոտտենհեմի» հետ տարբերակը նրա համար գրավիչ է թվում։
Սակայն Ֆրանկֆուրտի «Այնտրախտը» ցանկանում է Կոլո Մուանիի համար ստանալ 69 մլն ֆունտ փոխհատուցում։ Մոտավորապես նույնքան գումար այժմ Քեյնի համար է առաջարկում «Բավարիան»:
