«Մանչեսթեր Յունայթեդը» համաձայնեցրել է անձնական պայմանագիրը «Ատալանտայի» հարձակվող Ռասմուս Հոյլունդի հետ։
Արդեն գնելով Մեյսոն Մաունտին «Չելսիից» և համաձայնության գալով «Ինտերի» հետ դարպասապահ Անդրե Օնանայի տրանսֆերի շուրջ, «Յունայթեդը» իր հիմնական ուժերը նետել է Հոյլունդի տրանսֆերի շուրջ բանակցություններին։
Ըստ The Athletic-ի՝ Հոյլունդը «Յունայթեդի» գլխավոր թիրախն է կենտրոնական հարձակվողի գոտին ուժեղացնելու հարցում, և «կարմիր սատանաներն» արդեն համաձայնության են եկել անձամբ Ռասմուսի հետ:
Հոյլունդը, ում ծառայություններով հետաքրքրված է նաև «ՊՍԺ»-ն, արդեն ասել է «Ատալանտային», որ ցանկանում է հեռանալ ակումբից:
Այնուամենայնիվ, «Յունայթեդի» և «Ատալանտայի» միջև բանակցությունները այդքան էլ լավ չեն ընթանում՝ երկու ակումբները դեռևս փորձում են համաձայնության գալ 20 ամյա դանիացու արժեքի շորջ, ով նախորդ մրցաշրջանում Ա Սերիայի 31 խաղում դարձել է 8 գոլի և 2 գոլային փոխանցման հեղինակ:
Ըստ վերջին լուրերի, «Ատալանտան» ներկայումս պահանջում է 60 միլիոն ֆունտ ստերլինգ գումարած բոնուսներ, սակայն «Յունայթեդը» հույս ունի ավելի քիչ գումար վճարել հարձակվողի համար:
