«Չելսիի» գլխավոր մարզիչ Ֆրենկ Լեմպարդը հույս է հայտնել, որ իր թիմը կարող է «հատուկ» խաղ ցուցադրել Չեմպիոնների լիգայի 1/4 եզրափակչի՝ Մադրիդի «Ռեալի» դեմ պատասխան խաղում։
Չորեքշաբթի երեկոյան «Չելսին» 2:0 հաշվով պարտություն կրեց Մադրիդում, սակայն Լեմպարդը կարծում է, որ իր թիմը լավ խաղաց, հատկապես խաղի վերջին հատվածում, այն բանից հետո, երբ Բեն Չիլուելը հեռացվեց խաղադաշտից:
Հաջորդ շաբաթ թիմերը կհանդիպեն Սթեմֆորդ Բրիջում, և Լեմպարդի սեփական փորձը որպես խաղացող հուշում է նրան, որ «Չելսիին» դեռ վաղ է դուրս գրել պայքարից:
«Ես հպարտ եմ, թե ինչպես էինք մենք խաղում տասը հոգով: Զայրացնում է այն, որ մենք անջատվեցինք և նրանց նվիրեցինք ստանդարտ իրացնելու հնարավորություն, որից հետո նրանք խփեցին իրենց երկրորդ գոլը: Չեմ կարծում, որ նրանք կարողացան կոտրել մեզ, երբ մենք մնացինք տասով: Եվ դա մեր ոգու շնորհիվ է»:
«Մենք մեր պահերն ունեինք հանդիպման ժամանակ: Բավականին լավ պահեր: Ժոաոն (Ֆելիքս) հանդիպման սկզբում, Ռահիմը (Սթերլինգ) և Մեյսոնը (Մաունտ) մինչև վերջ: Խաղում որոշ լավ բաներ կային, բայց արդյունքը լավը չէ մեզ համար»:
«Բայց ես պարզապես ասացի խաղացողներին, որ Սթեմֆորդ Բրիջում կարող են տեղի ունենալ հատուկ երևույթներ: Մենք շատ լավ թիմ ունենք, և մենք պետք է հավատանք մեր ուժերին»:
«Մենք շատ լավ պահեր ենք ունեցել մեր խաղում և լավ թիմ ունենք, բայց խաղացողների համար դժվար ժամանակաշրջան է, և մենք մի քիչ վստահության պակաս ունենք»:
«Կարծում եմ, որ խաղացողները պետք է հասկանան, թե որքան լավը կարող են լինել և ինչի են ընդունակ: Հնարավոր է, որ մենք այս պահին մի փոքր բաց թողնենք: Կարծում եմ, որ մենք կարող ենք ավելի լավ օգտագործել խաղադաշտի չափը և մի փոքր ավելի ագրեսիվ լինել գնդակին տիրապետելու դեպքում»:
«Մեր խաղում լավ բաներ կային, բայց, ինչպես ասացի, արդյունքը պարզ է, և հաջորդ շաբաթ մեզ մեծ պայքար է սպասվում»,- Լեմպարդի խոսքերն է մեջբերում Sky Sports-ը։
